चीनी वस्तु के बहिष्कार ल लेके ए व्यापारिक संगठन ह चलाही बड़का अभियान, 10 जून ले होही शुरूआत

जय जोहार…. कान्फेडरेशन ऑफ ऑल इंडिया के तरफ ले अवइया 10 जून ले देशभर म चीनी वस्तु के बहिष्कार ल लेके एक राष्ट्रीय अभियान भारतीय सामान-हमारा अभियान चलाय जाही। कैट के राष्ट्रीय उपाध्यक्ष अमर पारवानी ह कहिन कि दिसंबर 2021 तक चीनी वस्तु के भारत के तरफ ले आयात म लगभग 1.5 लाख करोड़ रूपिया ल कम करे के कैट ह लक्ष्य रखे हे।

अमर पारवानी ह बताइस कि चीन ले आयात होवइया लगभग तीन हजार उत्पाद के अइसे सूची बनाय हे, जेन वस्तु के आयात न होय ले भारत ल कोनो अंतर नई परही। वो सारी वस्तु ह भारत म पहले ले ही बनत हे। ए अभियान के तहत जिहां कैट व्यापारी मन ल चीनी वस्तु नई बेचे जाय बर आग्रह करही। ऊहचे देश के लोगन मन ले चीनी वस्तु के स्थान म स्वदेसी उत्पाद के इस्तेमाल लाय के आग्रह करही।