बस्तर म हितग्राही मन मिलही पेंशन के राशि कैश

रायपुर: छत्तीसगढ़ के बीजापुर, सुकमा, दंतेवाड़ा अउ नारायणपुर जिला म अब पेंशन के राशि कैश घलो दे जाही. कई इलाका मन म बैंक नई होए के वजह से हितग्राही मन ल एखर फायदा नई मिल पात रहिस हे. उहें मनरेगा के मजदूरी के लो शत-प्रतिशत भुगतान सुनिश्चित करे के बात श्रम मंत्री टीएस सिंहदेव ह करिस.

जिला मन के सीईओ ल वीडियो कांफ्रेंसिंग के जरिए सिंहदेव ह कहिन, हर महीना अब वरिष्ठ अधिकारी भुगतान के ब्यौरा दिही. संगेच ही ए घलो सुनिश्चित करही के, हितग्राही मन के हाथ म रुपिया आए हे के नई. छत्तीसगढ़ म बीजेपी के सरकार के हार के एक बड़का वजह मनरेगा के मजदूर मन के लंबित मजदूरी अउ वृद्धावस्था पेंशन म गड़बड़ी घलो रहिस हे.

पंचायत मंत्री टीएस सिंहदेव ह बीते मंगलवार के सबो जिला मन के सीईओ की वीडियो कॉन्फ्रेंसिंग करिन. उहें उमन बताइन के ए वीसी म जानकारी मिलिस के नरवा, गरवा, घूरवा बाड़ी के प्रोजेक्ट ल गांव के लोग स्वीकार करत हवय.