बिलासपुर । सहर म साउथ ईस्टर्न सेंट्रल रेलवे ज़ोन के मुख्यालय म सीबीआई ह इंजीनियरिंग डिपार्टमेंट के सीनियर डीईएन भावेश पांडेय सहित 3 अधिकारीमन के दफ्तर और घर पर दबिस दी। अधिकारी मन उपर साल 2012-13 म न्यू कुसमुंडा अउ बृजराजगर म ट्रैक अपग्रेडेसन अउ लाइन के विस्तार के काम म भ्रस्टाचार के आरोप हे। अधिकारी मन ह ठेकेदार मन ले मिलके फर्जी बिल ल पास करा लिस। रेलवे के मटेरियल के इस्तेमाल करिन अउ येकर बिल लगाके रेलवे ले ही लाखों के पेमेंट ले लिस। ठेकेदार ह वो जगा म पत्थर तोड़े के 10 लाख बिल दे हे, जिहां पत्थर नइए। मिट्टी के लोडिंग-अनलोडिंग, समतलीकरण जइसे काम मन बर एक करोड़ के फर्जी पेमेंट होय हे। उहें एसइसीएल ले घलो तय ले जादा रासि वसूल करे गेहे। ठेकेदार मन ह रेललाइन बिछाय बर 6 करोड़ अउ अपग्रेडेशन म 8 करोड़ को भुगतान ले लिस हे। दूनों काम मन म 57 लाख के एक्स्ट्रा पेमेंट होय हे।
