CBSE 12 वीं बोर्ड के परिणाम 31 जुलाई के होही घोसित, पढ़व पूरा खबर

जय जोहार…. (CBSE ) सीबीएसई 12 वीं के छात्र मन के आखिर इंतजार खत्म हो गे। मार्कशीट बनाए ल लेके 13 सदस्य मन के समिति ह अपन रिपोर्ट ल सुप्रीम कोर्ट ल सौंप दे हे। सीबीएसआई ह बताइस कि 10वीं, 11वीं अउ 12वीं के प्री बोर्ड के रिजल्ट ल 12वीं के फाइनल नतीजा के आधार बनाए जाहि। नतीजा ल 31 जुलाई के घोसित कर दे जाहि।

सीबीएसई (CBSE ) 12वीं के रिजल्ट 10वीं -11वीं के परीक्षा अउ 12वीं प्री बोर्ड परीक्षा म छात्र मन के प्रदर्शन के आधार म जारी करे जा सकत हे। 10वीं के 5 विषय म ले 3 विषय के सबले अच्छा मार्क ल लिये जाहि।

अइसने (CBSE ) 11वीं के पांच विषय के एवरेज लिये जाहि अउ 12वीं के प्री-बोर्ड एग्जाम अउ प्रेक्टिकल के नंबर लिये जाहि। 10वीं के नंबर के 30 परसेंट, 11वीं के नंबर के 30 परसेंट अउ 12वीं के नंबर के 40 परसेंट के आधार म नतीजा आही।