CBSE ह करिन बारहवीं बोर्ड परीक्षा ल रद्द, पढ़व पूरा खबर
जय जोहार…. सीबीएसई (CBSE) बारहवीं बोर्ड परीक्षा ल लेके बड़का खबर आवत है। सीबीएसई ह बारहवीं बोर्ड परीक्षा ल रद्द कर दे है। प्रधानमंत्री नरेंद्र मोदी के अध्यक्षता म बइठक होइस है, एमा परीक्षा ल रद्द करे के फइसला ले गे हे।
प्रधानमंत्री मोदी ह कहिन कि कोरोना ल लेके स्थिति अभी माकुल नई हे, अइसे म परीक्षा कराए के दबाव नई दे जा सकत, छात्र के स्वास्थ्य के चिंता सबले जरुरी हे। अइसे म परीक्षा नई कराए जा सकथे। ए बइठक म सीबीएसई (CBSE) के चेयरमैन के संग रक्षा मंत्री राजनाथ सिंह अउ प्रकाश जावड़ेकर घलो मौजूद रिहिन।
एखर पहले शिक्षामंत्री रमेश पोखरियाल निशंक ह आज (CBSE) बोर्ड परीक्षा ल लेके फइसला लेवइया रिहिन, लेकिन अचानक तबीयत बिगड़े के बाद ओ मन ल एम्स म भर्ती कराए गे हे। शिक्षा मंत्रालय ल परीक्षा के संबंध म अपन फइसला के जानकारी ल सुप्रीम कोर्ट ल 3 जून तक देना हे। केंद्र सरकार ह 31 मई के सुप्रीम कोर्ट ले परीक्षा म निर्णय ले बर 2 दिन के समय मांगे रिहिन। अइसे म प्रधानमंत्री नरेंद्र मोदी खुद ए बइठक के अध्यक्षता करिन।
