जय जोहार…. (CBSE) सेन्ट्रल बोर्ड आफ सेकेण्डरी एजुकेशन (सीबीएसई) ह अपन आधिकारिक वेबसाइट म दसवीं अऊ बारहवीं बर संशाेधित डेटशीट जारी कर दे हे। जेन छात्र ह ए साल सीबीएसई बोर्ड परीक्षा म सामिल होय ल जावत हे, ओ हा आधिकारिक वेबसाइट म जाके नवा टाइम टेबल ल देख सकथे।
नवा शेड्यूल के मुताबिक बारहवीं के फिजिक्स के पेपर के डेट ह आगू बाढ़ गे हे। पहिले 13 मई को होवइया परीक्षा ह अब 8 जून के होही। एखर आलावा इतिहास अऊ बैंकिंग परीक्षा के तारिख म घलो बदलाव करे गे हे।(CBSE) दसवीं बर साइंस अऊ मैथ्स के पेपर के तारिख आगू बाढ़ गे हे। दसवीं के साइंस के परीक्षा ह अब 21 मई अऊ मैथ्स के परीक्षा ह 2 जून के होही।
(CBSE) परीक्षा ह बिहनिया अऊ दोपहर 2 पाली म आयोजित करे जाही। पहिले के टाइम टेबल अनुसार ही परीक्षा ह 4 मई से सुरू होही। बारहवीं के परीक्षा ह 14 जून तक चलही। जबकि 10 के परीक्षा ह 7 जून के समाप्त होही।
