chhattisgarh के सब्बो राशन दुकान म लगही सीसीटीवी कैमरा, मोबाइल म उपभोक्ता घलो देख सकही अपन राशन दुकान

जय जोहार…. छत्तीसगढ़ (chhattisgarh) के सब्बो शासकीय उचित मूल्य के दुकान म जल्द सीसीटीवी कैमरा लगाय जाही। ए निर्देश ल खाद्य मंत्री अमरजीत भगत ह दे हे।

मंत्री भगत ह आज वीडियो कांफ्रेंसिंग ले सब्बो जिला के खाद्य अधिकारी मन बइठक म खाद्यान्न भण्डारण अउ वितरण के समीक्षा करे हे।
ए अवसर पर मंत्री भगत ह राज्य सब्बो पहुंचविहीन क्षेत्र के राशन दुकान म खाद्यान्न भण्डारण अउ वितरण के जानकारी ले हे अउ तीन दिन के भीतर चार महिना बर पर्याप्त मात्रा म खाद्यान्न भण्डारण करे के निर्देश दे हे।

वो हा सब्बो राशन कार्डधारी परिवार मन के सदस्य मन के आधार सिडिंग जल्द करे ल केहे हे, ताकि अगस्त महिना म वन नेशन वन राशन कार्ड योजना ल छत्तीसगढ़ (chhattisgarh) म घलो सुरू करे जा सके।
मंत्री भगत ह कहिन कि छत्तीसगढ़ (chhattisgarh) के सब्बो राशन दुकान के दीवार ल तिरंगा कलर ले पोताई करे के निर्देश दे गे रिहिस, जेन दुकान म पोताई के कार्य ह नई हो पाय हे, उन दुकान म एक सप्ताह के भीतर पोताई कराय के निर्देश दे हे।

वो हा कहिन कि तिरंगा कलर म पोताई होय ले प्रदेश के राशन दुकान म एकरूपता आही अउ अंजान व्यक्ति भी राशन दुकान ल देख के पहचान जाही।