केंद्रीय विकास आयुक्त ह करिस राज्य मन के उद्योग सचिव मन ले चर्चा, उद्योग मन म पड़इया आर्थिक बोझ ल कम करे के करिस अनुरोध
जय जोहार रायपुर…. देश म कोरोना वायरस के संक्रमण के चलत देशव्यापी लॉकडाउन ले प्रदेश के सूक्ष्म, लघु अऊ मध्यम उद्योग मन म पड़इया आर्थिक बोझ ल कम करे के अनुरोध प्रमुख सचिव उद्योग ह करे हे। वीडियो कांफ्रेंसिंग म वो हा केंद्रीय विकास आयुक्त राममोहन मिश्रा ले औद्योगिक गतिविधि मन ल गति दे बर कार्यशील पूंजी उपलब्ध कराए के प्रक्रिया ल सरलीकरण करे ल, एनएमडीसी, एसईसीएल के माध्यम ले लौह अऊ कोयला आपूर्ति बर 50 प्रतिशत अग्रिम राशि लेने समेत अलग-अलग मुद्दा म विस्तार ले चर्चा करिस अऊ सुझाव दिस।
प्रदेश के वाणिज्य अऊ उद्योग विभाग के प्रमुख सचिव मनोज कुमार पिंगुआ ह वीडियो कांफ्रेंसिंग म राज्य के उद्योग मन ल लाकडाउन के अवधि के दौरान श्रमिक मन ल भुगतान करे जाए म उद्योग मन म पड़इया आर्थिक बोझ ल कम करे बर भारत सरकार ले मदद करे के अनुरोध करिस। वो हा केंद्रीय विकास आयुक्त ले अनुरोध करिस कि प्रदेश के उद्योग मन के तरफ ले अलग-अलग सार्वजनिक उपक्रम भिलाई इस्पात संयंत्र, एनएमडीसी, एनटीपीसी अऊ रेलवे आदि ल सप्लाई करे गिस आर्डर के लंबित भुगतान ल तत्काल करे जाए के व्यवस्था करे ल अऊ भविष्य म प्रदाय करइया वर्क आर्डर के संग तीस प्रतिशत अग्रिम भुगतान करे जाए के व्यवस्था सुनिश्चित करे जाए।
