सैनिक अऊ पेंशनर मन के भत्ते के राशि ल काटने के बजाय केंद्र सरकार बजट म मितव्ययिता बरत के फिजूलखर्ची म लगाए रोक: कांग्रेस

जय जोहार…. अप्रैल माह म ही सांसद मन के निर्वाचन क्षेत्र भत्ता ल बढ़ा के 49 हजार प्रतिमाह अऊ सहायक नियुक्ति भत्ता ल बढ़ा के 40 हजार रूपिया करे जाने के संग केंद्रीय कर्मचारी, सैनिक अऊ पेंशनर मन के भत्ता ल छीनने म कांग्रेस ह कड़ी आपत्ति जताए हे। कांग्रेस संचार विभाग के अध्यक्ष शैलेश नितिन त्रिवेदी ह कहिन कि कोरोना काल म सांसद मन बर भत्ता ल बढ़ाया जात हे अऊ पेंशनर मन ले भत्ता छीना जाना दोहरा आचरण हे।

वो हा कहिन कि केंद्रीय कर्मचारी, सैनिक अऊ पेंशनर मन के भत्ता के राशि ल काटने के बजाय केंद्र सरकार ल अपन ढाई लाख करोड़ के बजट म मितव्ययिता बरत के फिजूलखर्ची म रोक लगाना चाही। दिल्ली म 20 हजार करोड़ के सेंट्रल विस्टा प्रोजेक्ट अऊ एक लाख 10 हजार करोड़ के बुलेट ट्रेन प्रोजेक्ट ल खारिज करे जाना चाही। ए राशि ले देश के देश के गरीब, मजदूर, किसान, छोटे व्यापारी, छोटे-छोटे उद्योग अऊ धंधा करइया ल कोरोना के चलत हुए क्षतिपूर्ति के राशि दे देना चाही। कोरोना के नाम ले के कर्मचारियों, सैनिक अऊ बुजुर्ग पेंशनर मन के भत्ते के राशि ल छीनना अऊ सांसद मन के भत्ता ल बढ़ाना ठीक नई हे।