chhattisgarh म कोरोना के बाढ़ते मामला के समीक्षा करे ल केन्द्रीय टीम पहुंचिस रायपुर
जय जोहार…. छत्तीसगढ़ (chhattisgarh) म कोरोना संक्रमण के बाढ़ते मामला के समीक्षा करे बर दिल्ली ले एक केंद्रीय उच्च स्तरीय टीम ह राजधानी रायपुर पहुंच गे हे। मिले जानकारी के अनुसार ए तीन सदस्य टीम ह छह दिन तक प्रदेश म कोविड-19 अस्पताल के मुआयना करही।
उहचे रायपुर, दुर्ग अऊ बिलासपुर जिला म कोरोना के मामला ह जादा आवत हे, ए जिला के सर्वे करही। सर्वे ले प्राप्त आंकड़ा के समीक्षा कर एक रिपोर्ट तैयार करे जाही। कमेटी के तरफ ले तैयार रिपोर्ट के आधार म केंद्र सरकार ले प्रदेश (chhattisgarh) ल आवश्यकता के अनुसार मदद मिल सकही।
संगेसंग जांच दल के तरफ ल व्यवस्था ल ले के कमी बताय जाय म ओमा सुधार करे जाही। बतावत जात हे कि टीम ह (chhattisgarh) एम्स के संग कोविड 19 अस्पताल म जांच अऊ उपचार व्यवस्था के निरीक्षण करही।
बता दन कि केन्द्र ले आय जांच टी म एनआईएमसी के डॉ अनुभव सिन्हा, दिल्ली सफदरगंज अस्पताल के डॉ गीता यादव अऊ एनसीडीसी के डिप्टी डायरेक्टर अनुभव श्रीवास्तव शामिल हे।
