कभू हार नइ  मानिस….एखर सेती मिले हे सफलता…..

सीजी पीएससी 2017 के परीक्षा म अव्वल आइस बलरामपुर के प्रशांतकुमार कुशवाहा

रायुपर। सीजी पीएससी 2017 के परीक्षा म बलरामपुर के प्रशांतकुमार कुशवाहा ह टॉप करे हे।  प्रशांत ह ए सफलता हासिल कर पूरा प्रदेस म के मान बढ़ाइस हे। ए खबर  के सूचना मिले  म सबो लोगन मन ह  प्रशांत ल बधाई अउ सुभकामना देवत हवय।

 प्रशांत ह बताइस के दू साल के प्रयास के बाद उमन ल सफलता मिलिस हे।  पहिली  प्रयास म उमन ल 41वां रैंक मिले रहि सहे। ए बेर उमन ल पहिली रैंक मिले हे। एक लाख रुपए पइकेज के नउकरी  ल छोड़ के छत्तीसगढ़ पीएससी बर जमके तइयारी करिस। हर दिन 6 ले 8 घंटा तइयारी करिन। पढ़ाई म इंटरनेट के सेवा घलो लीस।

इंजीनियरिंग के पढ़ाई करे के बाद  उमन 7 साल तक टाटा स्टील प्लांट जमशेदपुर म नउकरी करिन। उमन ल समाज सेवा सुरू ले ही पसंद रहिस हे।  एखर सेती उमन ए राह  ल चुनिस।  कभु हार नइ मानिल, हमेसा  लगे रहिस।

प्रशांत हमेसा ले पूर्व आईएएस ओपी चौधरी अउ आईएएस अमित कटारिया ले प्रेरित रहिन हे।  उमन बताइन के, उमन सिक्षा अउ महिला ससक्तिकरन के दिसा म काम करना चाहत हे।