chhattisgarh: बंद होही सीजी टीका एप, 21 जून के बाद ले कोविन पोर्टल म होही वैक्सीन के पंजीयन

जय जोहार…. (chhattisgarh) 21 जून के बाद ले कोविन पोर्टल ले ही वैक्सीनेशन के काम होही। प्रदेश म कोविन पोर्टल के तर्ज म सीजी टीका पोर्टल लांच करे गे रिहिन। अब वैक्सीनेशन के जिम्मेदारी ल केंद्र सरकार ह स्वयं ले ले हे। जेखर सेती राज्य म अलग अलग संचालित वैक्सीनेशन पोर्टल ह बंद हो जाहि।

छत्तीसगढ़ म अब सीजी टीका एप ह बंद हो जाहि। देश भर म सिरिफ कोविन पोर्टल ले वैक्सीनेशन के पूरा काम चलही। (chhattisgarh) बता देन की हेल्थ अउ फ्रंट लाइन वर्कर मन के संगेसंग 45 ले 60 बच्छर के मनखे मन के वैक्सीनेशन ल केंद्र ह कराए रिहिन।

ये ह कोविन पोर्टल ले संचालित होवत रिहिन। लेकिन 18 ले 44 उमर के मनखे मन बर टीकाकरण के काम ल राज्य ल दे गे रिहिन। (chhattisgarh) एखर सेती कांग्रेस शासित कई राज्य ह अपन अपन राज्य बर अलग अलग पोर्टल बनवा ले रिहिन। छत्तीसगढ़ म घलो सीजी टीका एप बनाए गे रिहिन , जेमा पंजीयन करे जावत रिहिन।