weather: छत्तीसगढ़ के कई जगह म हो सकत हे बारिश, मौसम विभाग ह जारी करिन यलो अलर्ट

जय जोहार…. राज्य के कई स्थान म बारिश हो सकत हे। मौसम (weather) विभाग ह अवइया दू दिन तक प्रदेश के कई जगह म भारी बारिश होय के संभावना जताये हे। एखर बर विभाग ह यलो अलर्ट जारी करे हे।

मौसम विभाग के मुताबिक एक मानसून द्रोणिका ह गंगानगर, दिल्ली, हरदोई अउ गोरखपुर होवत हुये पूर्वी हिमालय के तराई तक स्थित हे।

(weather) उहचे दूसर द्रोणिका ह उत्तर कर्नाटक ले अंदरुनी तमिलनाडु अउ दक्षिण अंदरुनी कर्नाटक होवत हुये 0.9 किमी के उंचाई म हे।

एखर सती राज्य म आज कई जगह मध्यम ले हल्की बारिश हो सकत हे। मौसम (weather) विभाग के मुताबिक मंगलवार के घलो पेंड्रारोड अउ अम्बिकापुर म हल्की बारिश होय हे।

राजधानी म घलो बारिश होय हे। एखर पहिले बीते 24 घंटा के दौरान जशपुर नगर, राजपुर अउ दंतेवाड़ा म बारिश होय हे।