जय जोहार…. (weather) अवइया 24 घंटा म प्रदेस के कई ठिन जगह म बरसा के संभावना जताए गेहे। मौसम विभाग के मुताबिक कतकोन जगह म हल्का ले मध्यम बरसा होय के संभावना हे , उहें प्रदेस के एक या दू ठिन स्थान म गरज अउ चमक के संग बरसा ही सकत हे।
मौसम विभाग के अनुसार (weather) एक ठिन निम्न दाब के क्षेत्र ह पूर्व-मध्य बंगाल के खाड़ी अउ ओखर ले लगे उत्तर- पूर्व बंगाल के खाड़ी के उपर म स्थित हे। एखर संग उपरी हवा के चक्रीय चक्रवाती घेरा ह 7.6 किलोमीटर ऊंचाई तक विस्तारित हे। मानसून द्रोणिका ह जैसलमेर, पूर्वी राजस्थान, नौगांव, पेंड्रा रोड, संबलपुर, पूरी अउ ओखर बाद पूर्व- मध्य बंगाल के खाड़ी तक 1.5 किलोमीटर ऊंचाई तक विस्तारित हे।
एक द्रोणिका ह उत्तर-पूर्व अरब सागर ले (weather) गुजरात, मध्य प्रदेश, छत्तीसगढ़, उड़ीसा होत हुए निम्न दाब के केंद्र पूर्व- मध्य बंगाल की खाड़ी तक 1.5 किलोमीटर ले 7.6 किलोमीटर ऊंचाई तक विस्तारित हे।
