अवइया 72 घंटा म राजधानी म बारिश के संभावना, मौसम विभाग ह जारी करिन अलर्ट

जय जोहार…. राजधानी समेत प्रदेश के कई इलाका म अवइया 72 घंटा म बारिश हो सकत हे। मौसम विभाग ह राज्य म बारिश ल ले के अलर्ट जारी करे हे। मौसम विभाग के मुताबिक छत्तीसगढ़ के कुछु स्थान म हल्की ले मध्यम वर्षा या गरज-चमक के संग बारिश होय के संभावना हे।

मौसम विभाग ह जेन जिला बर बारिश अऊ आंधी के चेतावनी दे हे, ओमा राजधानी रायपुर, कोरिया, जशपुर, सरगुजा, बलरामपुर, सूरजपुर, बिलासपुर, बेमेतरा, कबीरधाम, कोरबा, मुंगेली, दंतेवाड़ा, सुकमा, बलौदाबाजार, दुर्ग, राजनांदगांव अऊ बस्तर के अलग-अलग जगह म तेज हवा के संग बारिश होय के संभावना हे।