Weather : प्रदेस म अवइया 24 घंटा म हो सकत हे बरसा, मौसम विभाग ह जारी करीन अलर्ट

जय जोहार…. (Weather) प्रदेस म मौसम ह एक घांव फेर बदलइया हे। अवइया 24 घंटा म प्रदेस के कतकोन जगह म बरसा हो सकत हे। प्रदेस म भारी बरसा ल लेके मौसम विभाग ह अलर्ट जारी करे हे।

मौसम विभाग के मुताबिक प्रदेस म एक या दू ठिन स्थान म हल्का ले मध्यम बरसा होय के सम्भावना हे। (Weather) उहें कुछु जगह म भारी बरसा के सम्भावना हे। उत्तरी छत्तीसगढ़ म भारी ले अति भारी बरसा होय के संभावना हे। उहें बिलासपुर अउ सरगुजा संभाग म भारी बारिश हो सकत हे।

मौसम (Weather) विभाग ह सरगुजा, कोरबा, बिलासपुर, बलौदाबाजार, जांजगीर, महासमुंद, रायपुर, दुर्ग, बेमेतरा, धमतरी, बालोद, राजनांदगांव, कांकेर, कोंडागांव, सुकमा, बीजापुर ज़िला म गरज-चमक के संग मध्यम बरसा होय के चेतावनी दीन हे।