Weather : प्रदेस के कई ठीन जिला म बरसा के संग ओला गिरे के संभावना, मौसम विभाग ह जारी करीन अलर्ट

जय जोहार…. (Weather ) राजधानी रईपुर समेत प्रदेस भर के कई ठीन जिला म मौसम के मिजाज बदल गेहे। प्रदेस म अवइया दू दिन के भीतर बरसा के संग ओला गिर सकत हे। एखर तहत प्रदेस म अवइया 24 घंटा बर अलर्ट जारी करे गेहे।

मौसम विभाग ले जानकारी के अनुसार (Weather ) प्रदेस के सरगुजा, जशपुर, सूरजपुर, बलरामपुर, कोरिया, पेंड्रा, बिलासपुर, कोरबा, रायगढ़, जांजगीर, मुंगेली, कबीरधाम, बेमेतरा, बलौदाबाजार, राजनांदगांव, दुर्ग, रईपुर , महासमुंद अउ ओखर ले लगे जिला म एक दू स्थान म मेघ गर्जन के संग ओला गिर सकत हे।

(Weather ) मौसम विभाग के मुताबिक रविवार के देर रात राजधानी रईपुर अउ आसपास बूंदाबादी सुरु होय रिहीन, जेन बिहनिया तक होवत रिहीस। एखर संग बिलासपुर, राजनांदगांव म घलो बूंदाबांदी के संग बरसा होइस ।