आई लव यू टू म दिखहि चंदन के डांस के जादू , कतको कलाकार मन ला नचाए है लोकेशन म

छत्तीसगढ़ी फिल्म इंडस्ट्री के कोरियोग्राफर चंदन ह अभी तक कतको कलाकार मन ल डांस म डायरेक्ट कर चुके हे चंदन के अवइया फिलिम हवे आई लव यू टू।
जेमा वो ह गाना कोरियोग्राफ करे हे , चंदन के कहना हे कि डांस ह ओखर जिनगी आए, लईकापन ले गणेश चतुर्थी अउ दुर्गा पूजा म जा जाके डांस करे, दूर-दूर साइकिल म आर्केस्ट्रा देखे ला जाए, ऊहिचे ले डांस के ललक जाग गे अउ आज इंडस्ट्रीज म एक डांस डायरेक्टर के रूप में स्थापित हवे चंदन ह।

चंदन ह अब तक छत्तीसगढ़ी, भोजपुरी अउ हिंदी के कई ठन गाना कोरोयग्राफ कर चुके हे। गाना कोरियोग्राफ करे बर चंदन ह पूरा तैयारी करथे एक एक बीट म ध्यान रखत हुए पूरा गाना के स्टेप तैयार करथे, तब जाके एक बने गीत तैयार होथे।