Chhollywood: मां चंडी के महिमा ल दर्शावत हे गढ़ कुरुद के चंडी दाई, कलाकार मन के होवत हे सराहना
जय जोहार (मुकेश कश्यप) …. (Chhollywood) धमतरी जिला के कुरुद क्षेत्र के युवा मन ह नवरात्र के अवसर म नवा जसगीत गढ़ कुरुद के चंडी दाई ल यू ट्यूब चैनल म आडियो-वीडियो ले प्रस्तुत करे हे। ए गीत ल सोशल मीडिया म शेयर करे जावत हे। संगेसंग क्षेत्र के कलाकार मन के घलो सराहना होवत हे।
(Chhollywood) ए एल्बम म टेकराम सेन के प्रेरणा ले मां चंडी के महिला के बखान होय हे। जेखर गीतकार ढालेंद्र सेन अऊ संगीत दे हे राधे साहू ह। एल्बम म आरके एडिटस के संचालक राकेश बैस ह वीडियोग्राफी अऊ देवराज साहू ह एडिटिंग करे हे। पोस्टर ग्राफिक्स अऊ डिजाइनर नगर के युवराज सोनकर ह करे हे।
एल्बम (Chhollywood) के निर्देशक तुकेश साहू ह बताइस कि हमर मन के प्रयास ले हजारो दर्शक मन बीच अनुभवी कलाकार अऊ अग्रज मन के मार्गदर्शन अऊ सहयोग ले संभव हो पाय हे। प्रयास के ए कड़ी म दू दिन म अब तक 11 हजार ले जादा दर्शनक मन के आशीर्वाद मिल चुके हे। जेखर सिलसिला ह आगू घलो जारी हे।
