शराब दुकान के समय म करे गिस बदलाव, अब चार बजे तक खुलही, शासन ह कलेक्टर मन ल जारी करिन निर्देश

जय जोहार…. राज्य शासन ह शराब दुकान ल खुले के समय म बदलाव कर दे हे। ए संबंध म राज्य शासन ह कलेक्टर मन ल निर्देश जारी करे दे हे, जेमा केहे गे हे कि चार बजे तक शराब दुकान ल बंद करवा दे जाये। शासन ह पहले सुबह आठ बजे ले शाम सात बजे तक शराब दुकान ल खोले के समय ल निर्धारित करे रहिस।

केंद्र सरकार के नवा गाइडलाइन के बाद राज्य सरकार ह चार मई ले प्रदेश भर म शराब दुकान ल खोल दे रहिस। शराब दुकान म उमड़िस भीड़ ह सोशल डिस्टेंसिंग के पालन नई करिन। राज्य के कई इलाका ले अव्यवस्था के खबर के बाद सरकार ह हालात के समीक्षा घलो करे रहिस। एखर बाद राज्य शासन ह वक्त म कटौती करे जाये के फैसला ले हे। शराब दुकान ह घलो दूसर सेवा ले जुड़े दुकान के तय वक्त के तरह बंद करे जाही।