Raipur: ब्यूटी पार्लर ल खोले के समय म हो गे बदलाव, पढो पूरा खबर

जय जोहार…. राजधानी (Raipur) म ब्यूटी पार्लर अऊ सैलून ल ले के नवा गाइडलाइन जारी हो गे हे। अपर कलेक्टर के तरफ ले जारी आदेश के अनुसार पार्लर के संचालन म आंशिक संशोधन करे गे हे। राजधानी रायपुर म अब बिहिनिया 11 बजे ले शाम 7 बजे तक पार्लर ल खोले के अनुमति होही।

बता दन कि (Raipur) पिछिले दिनो इतवार के घलो सैलून ल खोले के इजाजत दे गे रहिस। जबकि ओकर स्थान म मंगलवार के सैलून अऊ पार्लर ल बंद करे के बात कहे गे रहिस। अब पार्लर के समय म बदलाव करे गे हे। अब सैलून ल शाम 7 बजे तक खोले जा सकही। पहिले ऐ समय ह शाम चार बजे तक सैलून अऊ पार्लर ल खोले के इजाजत रहिस।

नवा समय के मुताबिक राजधानी (Raipur) म अब बिहिनिया 11 बजे ले शाम 7 बजे तक पार्लर ल खोले के अनुमति होही। एखर पहिले बिहिनिया 8 बजे ले शाम 4 बजे तक ही पार्लर ल खोले के अनुमति रहिस।