बिलासपुर-दिल्ली समेत कई ट्रेन के समय म हो गे बदलाव, पढो पूरा खबर

जय जोहार…. कोरोना संकट म चलाय जावत राजधानी स्पेशल ट्रेन के समय ह बदल गे हे। ए संबंध म रेलवे ने आदेश घलो जारी कर दे हे। बिलासपुर-राजधानी एक्सप्रेस ट्रेन के समय घलो बदल गे हे।
जानकारी के मुताबिक रेलवे ह बिलासपुर के आलावा मुम्बई राजधानी स्पेशल, चेन्नई राजधानी स्पेशल अउ सिकंदराबाद राजधानी स्पेशल ट्रेन के समय म बदलाव करे हे।
मुम्बई सेन्ट्रल-नईदिल्ली राजधानी स्पेशल ट्रेन के समय म बदलाव होय हे, ए ट्रेन अब दू जुलाई ले 17.30 बजे चलही अउ 8.50 बजे नई दिल्ली पहुंचही।
नईदिल्ली-मुम्बई सेन्ट्रल राजधानी स्पेशल ट्रेन ह अब दू जुलाई ले पांच बजे चलही अउ 8.40 बजे मुम्बई स्टेशन पहुंचही।
ऊहचे नईदिल्ली-बिलासपुर राजधानी स्पेशल ट्रेन ह चार जुलाई ले 3.45 बजे ले चलही अउ 12 बजे बिलासपुर पहुंचही।
बिलासपुर-नईदिल्ली राजधानी स्पेशल ट्रेन ह 6 जुलाई ले 2 बजे चलही अउ नईदिल्ली स्टेशन म 10.50 बजे पहुंचही।