गांव म रात के लगाए गिस चउपाल, ग्रामीन मन के समस्या मन उपर तत्काल देय गिस अधिकारी मन ल निरदेस

बेमेतरा: प्रशासन ह जियादा ले जियादा ग्रामीनण मन तक पहुंचे बर रात्रि चउपाल लगाए के परंपरा सुरू करिस हे. ए कड़ी म साजा विकासखंड के ग्राम चेचनमेटा म लगाए गे रात्रि चौपाल म ग्रामीण मन ह गांव म डाकघर अउ स्वास्थ्य केंद्र के मांग घलो रखिस.

रात्रि चौपाल के दउरान ग्रामीन मन ल शासन के योजना मन के जानकारी दे गिस, उहें कलेक्टर कावरे ह उपस्थित ग्रामीन मन के समस्या मन ल सुनीस.. ग्रामीन मन ह ओड़िया जलाशय ले सिंचाई बर तीर म उपलब्ध जल स्रोत ले नाली बनाए के संग कुलापा के मांग करिन. कलेक्टर ह सिंचाई विभाग के इंजीनियर ल ए कार्य बर निरदेस दिस. उहें ग्रामीम मन ह गांव म डाकघर अउ स्वास्थ्य केंद्र के मांग घलो रखिस. कलेक्टर ह संग म उपस्थित मुख्य चिकित्सा स्वास्थ्य अधिकारी ल जिला म उपलब्ध मोबाइल यूनिट के उपयोग के निरदेस दिस.

5 पेंशन हितग्राही मन ह राशि नई मिले के बात घलो आइस, जेला उप संचालक पंचायत ल तत्काल दिखाए के निरदेश देए दिस. उपस्थित एसडीएम अउ पटवारी ल दू दिवस के भीतर किसान सम्मान निधि के डाटा एंट्री पूरा करे के निरदेस देय दिस. अइसने शासकीय हायर सेकेंडरी स्कूल भवन निरमान अउ ट्रांसफार्मर शिफ्ट करे के मांग अउ श्रम कार्ड बनवाए के घलो रखे गिस. अपूर्ण आवास मन ल 1 माह के भीतर पूरा करे बर कहिन. उहें सुबह प्रधानमंत्री आवास योजना, छत्तीसगढ़ शासन के नरवा, गुरुआ, घुरुवा अउ बाड़ी योजना बर प्रस्तावित गौठान, चरागाह, तालाब के निरीक्षन करिन.