छत्तीसगढ़ विधानसभा के कार्यवाही स्थगित, 26 अऊ 27 फरवरी के राज्यपाल के कृतज्ञता प्रस्ताव म होही चर्चा

जय जोहार रायपुर…. आज बजट सत्र के शुरूआत म राज्यपाल अनुसुइया उइके के अभिभाषण होइस। अब राज्यपाल के अभिभाषण म कृतज्ञता ज्ञापन लाए जाही। जेखर बाद 26 अऊ 27 फरवरी के राज्यपाल के कृतज्ञता प्रस्ताव म चर्चा होही। काली मंगलवार तक के लिए विधानसभा के कार्यवाही स्थगित कर दे गिस।

ऊहचे नेता प्रतिपक्ष के कक्ष म बीजेपी विधायक दल के बैठक शुरू हो गिस हे। बजट सत्र म सरकार ल घेरे बर के तैयारी अऊ ये संबंध म रणनीति तय करे बर बीजेपी विधायक मन के बैठक होवत हे। सरकार ल घेरे बर विपक्ष धान खरीदी अऊ शराबबंदी जैसा मुद्दा मन ल उठा सकत हे।

ऊहचे आज शाम के कांग्रेस विधायक दल के बैठक मुख्यमंत्री निवास म होही। जिहां विपक्ष के सवाल मन के जवाब दे बर के रणनीति तैयार करे जाही।