chhattisgarh विधानसभा के मानसून सत्र हो गे सुरु, दिवंगत नेता मन ल दे गिस श्रद्धांजलि

जय जोहार… छत्तीसगढ़ (chhattisgarh) विधानसभा के मानसून सत्र ह आज ले सुरू हो गे हे, जेन ह 28 अगस्त तक चलही। आज सत्र के पहिले दिन सबो दिवंगत नेता ल श्रद्धांजलि दे गिस।

एखर संग शहीद जवान मन ल घलो श्रद्धांजलि दे गे हे। उहचे छत्तीसगढ़ के पहिले मुख्यमंत्री अजीत जोगी ल याद कर सीएम भूपेश बघेल ह ओखर जीवन ले जुड़े विशेषता ल बतइस।

(chhattisgarh) सीएम बघेल ह कहिन कि अजीत जोगी ह सपनों के सौदागर रहिस, जोगी ह राज्य के नींव अच्छा ढंग ले रखिस। एखर परिणाम स्वरूप आज छत्तीसगढ़ के आर्थिक स्थिति ह अच्छा हे। मे हा जोगी मंत्रिमण्डल म राजस्व मंत्री रहेव, तब ओखर ले काफी कुछु सीखे ल मिलिस।

नेता प्रतिपक्ष धरमलाल कौशिक ह पूर्व सीएम अजीत जोगी ल श्रद्धांजलि देवत हुये कहिन कि जोगी ह बहुआयामी व्यक्तित्व के धनी रहिस। (chhattisgarh) शिक्षा के क्षेत्र म जोगी ह उल्लेखनीय काम करिस। हिन्दुस्तान के राजनेता मन म जोगी के विशिष्ट पहचान रहिस। अकाल के स्थिति म घलो लोगन मन ल रोजगार दिस।