chhattisgarh माध्यमिक शिक्षा मंडल ह जारी करीन टोल फ्री नम्बर, बिहनिया 10ः30 बजे ले संझा 5 बजे तक कर सकत हे संपर्क

जय जोहार। छत्तीसगढ़ (chhattisgarh ) माध्यमिक शिक्षा मंडल रायपुर डहार ले हाईस्कूल-हायर सेकेण्डरी परीक्षा के संबंध म 22 फरवरी ले ‘‘हेल्पलाईन 2022’’ ल सुरु करे जावत हे। विद्यार्थी, शिक्षक अउ अभिभावक ह बिहनिया 10ः30 बजे ले संझा 5ः00 बजे तक हेल्पलाईन म मण्डल के टोल फ्री नम्बर 18002334363 म अपन समस्या के समाधान कर सकत हे ।

सचिव छत्तीसगढ़ माध्यमिक (chhattisgarh) शिक्षा मण्डल ले प्राप्त जानकारी के अनुसार हेल्प लाईन के माध्यम ले मनोवैज्ञानिक, मनोचिकित्सक, शैक्षिक अभिप्रेरक परीक्षार्थी मन के परीक्षा-भय, कोविड-19 संक्रमण के सुरक्षा अउ सावधानी, परीक्षा तनाव संबंधी समस्या के निराकरण कर परामर्श देही। विषय विशेषज्ञ अवइया दिवस के होवइया विषय के परीक्षा ले संबंधित समस्या के निराकरण करही अउ मण्डल के अधिकारी ह मण्डल ले संबंधित समस्या के समाधान करही ।