जय जोहार…. (Chhattisgarh) सीएम भूपेश बघेल ह कोविड 19 महामारी ले बचाव बर टीकाकरण बर बड़का घोसना करे हे। एखर तहत अलग-अलग वर्ग के मनखे मन ल फ्रंट लाईन वर्कर मानत हुये ओखर टीकाकरम करे के निर्णय ले गे हे। एखर संगेसंग राज्य के पत्रकार, वकील अउ ओखर परिजन मन ल घलो फ्रंट लाईन वर्क के समान टीकाकरण करे के सीएम भूपेश बघेल ह घोसना करे हे।
(Chhattisgarh) ए संबंध म सीएम बघेल के तरफ ले पूर्व म दिए गे निर्देश अउ टीकाकरण के संबंध म मुख्य सचिव के अध्यक्षता म गठित सचिव मन के समिति के अनुशंसा म राज्य सरकार ह फ्रंट लाईन वर्कर के सूची म जेन वर्ग ल सामिल करे हे,
ओमा स्वास्थ्य विभाग के तरफ ले परिभासित कोमार्बिडिटी वाला व्यक्ति, भोजन प्रदाय करइया अउ सब्जी विक्रेता, बस ड्राइवर अउ कंडक्टर, आंगनबाड़ी कार्यकर्ता, मितानिन, पंचायत सचिव/कर्मी, पीडीएस दुकान प्रबंधक अउ विक्रेता, इंसटिटुशनल केयर रहवइया महिला, गांव के कोटवार अउ पटेल, राज्य सरकार के कर्मचारी, राज्य पब्लिक सेक्टर अंडरटेकिंग के कर्मचारी अउ ओखर इमिडियेट परिजन सामिल हे।
(Chhattisgarh) अइसने ए सूची म वृद्धाश्रम, महिला देखभाल केंद्र अउ बाल देखभाल म कार्यरत व्यक्ति, शमशान, कब्रिस्तान म कार्यरत व्यक्ति, दिव्यांग जन, आवश्यक सेवा प्रदान करइया अर्धशासकीय संस्था जईसे प्राथमिक कृषि सहकारी समिति, मार्कफेड, सहकारी बैंक म कार्यरत कर्मचारी, कलेक्टर के तरफ ले कोरोना ड्यूटी पर लगाए गे मनखे, राज्य शासन के तरफ ले परिभाषित कोनो दूसर वर्ग के मनखे ल घलो सामिल करे गे हे।
No Comment! Be the first one.