श्रवण राठोर के अध्यक्षता म होवत हे पुनीत काम , छत्तीसगढ़ी सिनेमा एसोसियेशन पहुंचात हे जरुरत मंद करा राशन
जय जोहार रायपुर… अभी कोरोना संकट ले सब्बो जूझत हे , अइसे म सिनेमा उद्योग के हजारो मनखे मन करा न तो काम हे अऊ न ही पैसा , ऐ समय म सिनेमा संगठन मन आघू आके लोगन मन के मदद करत हे जेन ह एक पुनीत कार्य हे , सीसीटीपीए नाम के संस्था ह अभी तक सैकड़ो जरूरतमंद मन ल यथा शक्ति नगद के मदद करे हे , जेखर चौतरफा प्रशंसा होय हे ,
अइसने छत्तीसगढ़ी सिनेमा एसोसियेशन के अध्यक्ष श्रवण कुमार राठोर के मार्गदर्शन म छत्तीसगढ़ी सिनेमा के सदस्य मन ल सुखा राशन वितरित करे जात हे , अब तक सैकड़ो सदस्य मन ल मदद करे जा चुके गे हे , ये पुनीत कार्य करैय्या श्रवण राठोर ह बताइस कि लगातार खबर आत रिहिस कि सिनेमा ले जुड़े लोगन मन आर्थिक परेशानी ले जूझत हे तेखरे पाय के ये व्यवस्था करे गे हे ,
जरुरत मंद ह डीसी फिल्म प्रोडक्शन के राजेन्द्र नगर कार्यालय म जा के आधार कार्ड देखा के दस किलो आटा अऊ दू किलो चना डाल प्राप्त कर सकथे.
