Chhattisgarh: पद्मश्री फुलबासन के सम्मान करिस छत्तीसगढ़ लोक कलाकार कल्याण संघ ह, राजनान्दगांव के दर्राबांधा म होइस कार्यक्रम

जय जोहार…. (Chhattisgarh) छत्तीसगढ़ लोक कलाकार कल्याण संघ ह प्रदेश भर म कलाकार मन ल जोड़ के संघ के संग एक करत हे, संघ के उद्देश्य हे कि प्रदेश के कलाकार एक हो अऊ मिल जुल के कलाकार मन के हित म कार्य करे,

छत्तीसगढ़ (Chhattisgarh) के राजनान्दगांव जिला के दर्राबांधा म संघ ह अपन पदाधिकारी मन ल नियुक्ति प्रदान करिस , ये मौका म मंच म पद्मश्री फुलबासन बाई घलो उपस्थित रिहींन , इंहा फुलबासन के सम्मान घलो करे गिस,

छत्तीसगढ़ (chhattisgarh) लोक कलाकार कल्याण संघ के अध्यक्ष नवलदास मानिकपुरी ह किहीस कि संघ के गतिविधि के पूरा प्रदेश म सराहना होवत हे अऊ कलाकार मन स्वेच्छा ले जुड़ के संघ ल मजबूत बनात हे,

दर्राबांधा म मंच ले फुलबासन ह किहीस कि नवलदास मानिकपुरी जी के सोच अऊ कलाकार मन के ताकत एक दिन कलाकार मन के स्थिति बदल दिही, ओमन ह किहींन कि पहली बार अईसे कोई संगठन ल देखे हंव जिंहा सब ल साथ ले के चले जात हे मैं ये पुनीत कार्य बर नवलदास जी ल बधाई देत हंव,

ये मौका म छत्तीसगढ़ लोक कलाकार कल्याण संघ के पदाधिकारी मन बड़ संख्या म उपस्थित रिहींन।