chhattisgarh ल मिले हे 12 पुरस्कार, वर्चुअल समारोह म प्रधानमंत्री ह विजेता पंचायत के खाता म अंतरित करिन पुरस्कार राशि
जय जोहार…. (chhattisgarh) केंद्रीय पंचायती राज मंत्रालय के तरफ ले दे जवइया राष्ट्रीय पंचायत पुरस्कार 2021 के अंतर्गत छ्त्तीसगढ़ ल 12 पुरस्कार मिले हे। प्रधानमंत्री नरेंद्र मोदी ह आज नईदिल्ली म आयोजित वर्चुअल समारोह म विजेता पंचायत के खाता म पुरस्कार राशि ल आनलाइन अंतरित करिन। ए पुरस्कार समारोह म मुख्यमंत्री भूपेश बघेल, पंचायत अउ ग्रामीण विकास मंत्री टीएस सिंहदेव, राजस्व मंत्री जयसिंह अग्रवाल ह वीडियो कांफ्रेंस ले जुड़े रिहिन।
प्रदेश (chhattisgarh) के पंचायत म आईसीटी के इस्तेमाल म बेहतर प्रदर्शन बर भारत सरकार के तरफ ले छत्तीसगढ़ ल ई पंचायत पुरस्कार प्रदान करे गे हे। तीन अलग-अलग वर्ग म दे जवइया ए पुरस्कार म छत्तीसगढ़ ल पहला वर्ग म असम के संग संयुक्ति रूप ले दूसर स्थान मिलिस।
केंद्रीय पंचायतीराज मंत्रालय के तरफ ले कोंडागांव जिला पंचायत, गरियाबंद अउ तिल्दा जनपद पंचायत, सरगुजा जिला के अंबिकापुर विकासखंड के सरगवां अउ लुंड्रा विकासखंड के रिरी, बालोद जिला के गुंडरदेही विकासखंड के माहुद (अ), कबीरधाम जिला के आरंग विकासखंड के बैहार ग्राम पंचायत ल दीनदयाल उपाध्याय पंचायत सशक्तिकरम पुरस्कार दे गे हे।
राष्ट्रीय पंचायत पुरस्कार 2021 के अंतर्गत (chhattisgarh) बीजापुर जिला के भोपालपटनम विकासखंड के ग्राम पंचायत गोटईगुड़ा ल नानाजी देशमुख राष्ट्रीय गौरव ग्रामससभा पुरस्कार, रायपुर जिला के अभनपुर विकासखंड के नवागांव (ल) ल बाल हितैषी ग्राम पंचायत पुरस्कार अउ आरंग विकासखंड के बैहार ल ग्राम पंचायत विकास योजना पुरस्कार प्रदान करे गे हे।
