chhattisgarh : सबले जादा डिजिटल हेल्थ आईडी बनाय बर छत्तीसगढ़ ल मिले हे पहला पुरस्कार

जय जोहार…. हेल्थ एंड वेलनेस सेंटर के माध्यम ले सबले जादा डिजिटल हेल्थ आईडी बनाय बर छत्तीसगढ़ (chhattisgarh) ल राष्ट्रीय स्तर म पहला पुरस्कार मिले हे । ‘आजादी के अमृत महोत्सव’ के अंतर्गत देस म 16 नवम्बर ले 12 दिसम्बर तक यूनिवर्सल हेल्थ कवरेज डे 2021 के दउरान छत्तीसगढ़ म सबले जादा 53 हजार 067 डिजिटल हेल्थ आईडी बनाय गीस ।

देस भर म ए दउरान बनाय गये कुल एक लाख 52 हजार 942 आईडी म अकेला छत्तीसगढ़ (chhattisgarh) के भागीदारी ह 35 प्रतिसत हे । ये सबो आईडी ल राज्य के हेल्थ एंड वेलनेस सेंटर्स म बनाय गेहे। मुख्यमंत्री भूपेश बघेल अउ स्वास्थ्य मंत्री टी.एस. सिंहदेव ह ए उपलब्धि म स्वास्थ्य विभाग अउ राष्ट्रीय स्वास्थ्य मिसन के टीम ल बधाई दीन हे।

केंद्रीय स्वास्थ्य अउ परिवार कल्याण राज्यमंत्री डॉ. भारती प्रवीण पवार ह आज नई दिल्ली म यूनिवर्सल हेल्थ कवरेज डे म आयोजित कारीकरम म छत्तीसगढ़ (chhattisgarh) ल पुरस्कृत करीन। स्वास्थ्य विभाग के प्रमुख सचिव डॉ. आलोक शुक्ला ह घलो स्वास्थ्य कर्मी मन ल ए उपलब्धि बर बधाई दीन हे।