chhattisgarh सरकार ह बार अऊ क्लब के पांच महिना के लाइसेंस शुल्क ल करिन माफ, आदेश हो गे जारी

जय जोहार…. छत्तीसगढ़ (chhattisgarh) सरकार ह राज्य म बार अऊ क्लब के पांच महीना के लाइसेंस शुल्क ल माफ कर दे हे। संगेसंग होटल, रेस्टोरेंट बार अऊ बार के बढ़ाय लाइसेंस शुल्क ल कम कर दे हे।

ए जानकारी ल (chhattisgarh) आबकारी मंत्री कवासी लखमा ह दे हे। मंत्री लखमा के अनुसार लॉकडाउन सती व्यवसाय म हुये नुकसान के चलते ए निर्णय ले गे हे।
बता दन कि कोरोना वायरस सती बीते अप्रैल महिना ले होटल, रेस्टोरेंट बार अऊ क्लब ह बन्द रहिस। जेखर सती सरकार ह ओखर लाइसेंस शुल्क ल माफ करे के फइसला ले हे।

उहचे छत्तीसगढ़ (chhattisgarh) होटल अऊ रेस्टोरेंट एसोसिएशन ह प्रदेश सरकार ले लाकडाउन सती बार संचालक मन ल हुये भारी नुकसान ल देखत हुये सालाना लाइसेंस फीस म ले अप्रैल 2020 ले ले के अगस्त 2020 के फीस ल माफ करे के आग्रह करे रहिस।