नीति आयोग के “Champions of Change” कार्यक्रम म उसूर विकासखण्ड ला राष्ट्रीय स्तर ऊपर दूसरा स्थान, छत्तीसगढ़ ह विकास के डहर म रचिस नवा कीर्तिमान
मुख्यमंत्री विष्णु देव साय ह दिन बधाई, कहिन – आकांक्षी क्षेत्र मन के जम्मो विकास बर सरकार प्रतिबद्ध है
सेंट्रल इंडिया ज़ोन म बने प्रदर्शन, अक्टूबर–दिसंबर 2025 तिमाही म हासिल करिस बड़ी उपलब्धि
रायपुर . नीति आयोग के मार्गदर्शन म चलत “चैंपियंस ऑफ चेंज” कार्यक्रम के अंतर्गत बीजापुर जिला के उसूर विकासखण्ड ह अक्टूबर–दिसंबर 2025 तिमाही म सेंट्रल इंडिया ज़ोन म बने प्रदर्शन करत हुए राष्ट्रीय स्तर ऊपर दूसरा स्थान पाए है।ए उपलब्धि ह राज्य सरकार के मइनखे-केंद्रित विकास सोच, योजना मन के सही क्रियान्वयन, लगातार मॉनिटरिंग अउ अलग-अलग विभाग मन के मिलके करे गे कोसिस मन ला राष्ट्रीय स्तर ऊपर मिले बड़े मान्यता आय। ए सफलता सिरिफ बीजापुर जिला तक सीमित नई है, बल्कि पूरा छत्तीसगढ़ के विकास मॉडल के असर ला घलो देखावत है। बिसेस रूप ले आकांक्षी अउ पहुंच ले दूरिहा इलाका मन म सासन के योजना मन के सही पहुँच, सेवा देई म सुधार अउ विकास के संकेत मन म आए बने बदलाव ला ए उपलब्धि ह राष्ट्रीय स्तर ऊपर नवा पहिचान दे है।बता दन कि नीति आयोग डहर ले चलत “Champions of Change” कार्यक्रम के अंतर्गत स्वास्थ्य अउ पोषण, सिच्छा, कृषि अउ ओकर से जुड़े सेवा, आधारभूत संरचना तथा सामाजिक विकास जैसे बड़े मानक मन ऊपर विकासखण्ड मन के प्रदर्शन के मूल्यांकन करे जाथे। उसूर विकासखण्ड ह अलग-अलग योजना मन के सही क्रियान्वयन, बने परिणाम मन अउ विभागीय तालमेल के भरोसा म ए बड़े उपलब्धि पाए है।ए उपलब्धि के पाछू बीजापुर जिला डहर ले अपनाए गे “3C मॉडल” — Convergence (अभिसरण), Collaboration (सहयोग) अउ Competition (प्रतिस्पर्धा) बड़े आधार बनके आगू आए है। ए मॉडल के माध्यम ले योजना मन के अभिसरण, जनभागीदारी, विभागीय तालमेल अउ बने प्रतिस्पर्धा ला बढ़ावा देके परिणाम आधारित बुता संस्कृति तैयार करे गिस।Convergence (अभिसरण) के अंतर्गत स्वास्थ्य, महिला अउ बाल विकास, पंचायत, सिच्छा, कृषि के संग दूसर विभाग मन के योजना मन ला मिलाके चलाए गिस। Collaboration (सहयोग) के माध्यम ले मैदानी अमला, जनप्रतिनिधि अउ समाज के मइनखे मन के सक्रिय भागीदारी पक्का करे गिस, उहें Competition (प्रतिस्पर्धा) के जरिए विकासखण्ड स्तर ऊपर बने प्रदर्शन बर एक-दूसर ले आगू बढ़े के भावना ला बढ़ावा दे गिस।”नीति आयोग के ‘चैंपियंस ऑफ चेंज’ कार्यक्रम म बीजापुर के उसूर विकासखण्ड के राष्ट्रीय स्तर ऊपर दूसरा स्थान पाना पूरा छत्तीसगढ़ बर गरब अउ विस्वास के बेरा आय।ए उपलब्धि ह बताथे कि हमर छत्तीसगढ़ अब आकांक्षी क्षेत्र मन म घलो विकास, सुशासन अउ जनकल्याण के नवा मानक तय करत है। कभू चुनौती मन बर जाने जइय्या दूरिहा के इलाका आज स्वास्थ्य, सिच्छा, पोषण, बुनियादी सुविधा अउ योजना मन के सही क्रियान्वयन के दम ऊपर राष्ट्रीय स्तर म अपन पहिचान बनावत हैं।ए सफलता हमर मइनखे-केंद्रित विकास सोच, विभागीय तालमेल, लगातार मॉनिटरिंग अउ आखिरी मइनखे तक योजना मन के लाभ पहुँचाए के संकलप के परिणाम आय। – मुख्यमंत्री विष्णुदेव साय”
