Chhattisgarh मदरसा बोर्ड के परीक्षा परिणाम हो गे घोसित, पढ़व

जय जोहार…. (Chhattisgarh) छत्तीसगढ़ के स्कूल शिक्षा मंत्री डॉ प्रेमसाय सिंह टेकाम ह अपन निवास कार्यालय म छत्तीसगढ़ मदरसा बोर्ड के तरफ ले आयोजित हाई स्कूल, हायर सेकेण्डरी पत्राचार पाठ्यक्रय परीक्षा प्रथम, द्वितीय और चतुर्थ अवसर के साथ ही उर्दू, अदीब, उर्दू माहिर परीक्षा के आनलाइन रिजल्ट ल घोसित करे हे। परीक्षार्थी ह परीक्षा के परिणाम ल छत्तीसगढ़ मदरसा बोर्ड के वेबसाइट वेबसाइट www.cgmadarsaboard.com म देख सकत हे।

छत्तीसगढ़ (Chhattisgarh) मदरसा बोर्ड के हाईस्कूल पत्राचार परीक्षा के परिणाम 91.34 प्रतिशत, हायर सेकंडरी पत्राचार परीक्षा पाठ्यक्रम कला संकाय म 94.2 प्रतिशत, हायर सेकंडरी वाणिज्य संकाय म शत-प्रतिसत, हायर सेकंडरी विज्ञान संकाय म 92.85 प्रतिशत, उर्दू अदीब म 82.61 प्रतिशत अऊ उर्दू माहिर म 100 प्रतिशत परीक्षार्थी ह सफल होय हे।

ए अवसर म (Chhattisgarh) मदरसा बोर्ड के सचिव डॉ अंसारी ह बताईस कि मदरसा बोर्ड के पाठ्यक्रम ह एनसीईआरटी के पाठ्यक्रम म आधारित हे। ए दौरान छत्तीसगढ़ मदरसा बोर्ड के अधिकारी अऊ कर्मचारी मन ह उपस्थित रिहिन।