महाकुंभ म लोगन मन के आकर्षण के केंद्र बनिस छत्तीसगढ़ पैवेलियन, छत्तीसगढ़ ल देखे बर दिखत श्रद्धालु मन म उत्साह

रायपुर। छत्तीसगढ़ के कला, संस्कृति अउ इहां के गौरवशाली इतिहास हर कोनो ल प्रेरित करत हे। मुख्यमंत्री  विष्णुदेव साय के नेतृत्व अउ मोदी के गारंटी के संग तेजी ले आघु बढ़त छत्तीसगढ़ ल जाने बर देश म हर कोनो बेताब रहिथे। एखर बड़का झलक प्रयागराज महाकुम्भ के बेर छत्तीसगढ़ पैवेलियन म देखे ल मिलत हे।

प्रयागराज के सेक्टर 6 महाकुम्भ म लक्ष्मीद्वार के तीर भारत सरकार के कलाग्राम के आघु छत्तीसगढ़ पैवेलियन स्थित हे। एखर प्रवेश द्वार ल छत्तीसगढ़ के पहचान गौर मुकुट के रूप देय गिस हे जेन दूर ले ही श्रद्धालु मन ल अपन तरफ आकर्षित करत हे। प्रवेश द्वार म ही भारत के नियाग्रा कहे जाए वाला बस्तर के चित्रकोट जलप्रपात के तस्वीर लगे हे। पैवेलियन के भीतर प्रवेश करत छत्तीसगढ़ महतारी के प्रतिमा स्थापित करे गे हे अउ प्रवेश द्वार के दाहिना तरफ राज्य के चार ईष्ट देवि मां महामाया, मां चंद्रहासिनी, मां दंतेश्वरी अउ मां बम्लेश्वरी के फोटो अउ उखर जानकारी दे गे हे।

पैवेलियन के भीतर प्रवेश करत ही बांयी तरफ छत्तीसगढ़ के जीवंत ग्रामीण परिवेश ल दिखाए गे हे। इहां  परंपरागत ग्रामीण जीवन के संग आदिवासी कला, संस्कृति, आभूषण, वस्त्र समेत एक संपूर्ण गांव के चित्रण करे गे हे।

छत्तीसगढ़ के प्रदर्शनी म प्रवेश करे के पहली बस्तर के ढोकरा शिल्प अउ राजकीय पशु अउ पक्षी ल दर्शाए गे हे। प्रदर्शनी म छत्तीसगढ़ शासन के फ्लैगशिप योजना विशेषकर मोर आवास मोर अधिकार, 3100 रूपया प्रति क्विंटल धान खरीदी योजना के जानकारी दर्शाए गे हे। एखर संग छत्तीसगढ़ के ऐतिहासिक विरासत के रूप म सिरपुर अउ जैतखाम के प्रतिकृति ल निर्मित करे गे हे।

स्थानीय लोगन अउ देश भर ले आए श्रद्धालु छत्तीसगढ़ ल ज्यादा ले ज्यादा करीब ले जान पाएं,  एखर बर वर्चुअल रियेलिटी हेडसेट अउ डोम के भीतर 180 डिग्री वीडियो के माध्यम ले शासन के योजना अउ छत्तीसगढ़ राज्य के जानकारी साझा करे जात हे। ए तकनीक के जरिए छत्तीसगढ़ ल जाने बर स्थानीय लोगन मन म जबरदस्त उत्साह हे अउ लोगन लंबा लाइन लगाके अपन बारी के इंतजार करत नजर आत हें।

मुख्यमंत्री विष्णुदेव साय छत्तीसगढ़ ल विकसित राज्य बनाए के संकल्प म काम करत हें अउ ये संकल्प धीरे धीरे मूर्त रूप लेवत हे। जेन तरह ले छत्तीसगढ़ ल जाने अउ समझे के इच्छा रखइया इहां आत हें उखर ले मुख्यमंत्री के नेतृत्व म करे जात कार्य के सार्थकता झलकत हे। एला देखके कहे जा सकथे, मानो उत्तर प्रदेश के प्रयागराज म एकठन छोटे ले छत्तीसगढ़ ही बसे हे।