Raipur : प्रदेस म 17 दिसंबर के मनाए जाही छत्तीसगढ़ गौरव दिवस

जय जोहार । (Raipur ) मुख्यमंत्री भूपेश बघेल के नेतृत्व म राज्य सरकार के 04 बछर के कार्यकाल पूरा होय म 17 दिसंबर के सासन डहार ले छत्तीसगढ़ गौरव दिवस के आयोजन करे जाही। ए दिन राज्य के सबो गौठान, सहकारी सोसायटी परिसर, धान खरीदी केंद्र, तेंदूपत्ता संग्रहण केंद्र, वनोपज प्रबंधन समिति के कार्यालय स्थल, सबो जिला म संचालित हाट-बाजार, नगरीय क्षेत्र के वार्ड म कार्यक्रम के आयोजन कर मनखे मन ल सासन के जनकल्याणकारी योजना के जानकारी दे जाही। बिहनिया 11 बजे मुख्यमंत्री भूपेश बघेल ह राज्य के जनता के नाव संदेस घलो देही ।

(Raipur ) छत्तीसगढ़ गौरव दिवस के आयोजन के जेन रूपरेखा तइयार करे गेहे, ओखर अनुसार राज्य के सबो गौठान म 17 दिसंबर के बिहनिया 11 बजे किसान, गौठान समिति के अध्यक्ष अउ सदस्य, पशुपालक, भूमिहीन मजदूर, जनप्रतिनिधि, स्थानीय निकाय के सदस्य, राजीव युवा मितान क्लब के सदस्य सहित स्थानीय निवासी ल आमंत्रित करे जाही अउ सासन डहार ले 4 बछर म विभिन्न योजना के अंतर्गत हासिल करेगे उपलब्धि के जानकारी दे जाही । संगेसंग सासन के प्रमुख योजना के जानकारी घलो प्रदान करे जाही ।

मंझनिया 3 बजे प्राथमिक सहकारी सोसायटी परिसर, धान खरीदी केन्द्र म किसान मन ल आमंत्रित कर सासन के कृषि संबंधी प्रमुख योजना जइसे ब्याज मुक्त ऋण योजना, राजीव गांधी किसान न्याय योजना आदि के जानकारी ओमन ल दे जाही। (Raipur ) प्रदेस के वन क्षेत्र म इही दिन बिहनिया 11 बजे तेंदुपत्ता संग्रहण केन्द्र अउ वनोपज प्रबंधन समिति के कार्यालय स्थल म घलो किसान अउ मजदूर बर संचालित योजना के जानकारी दे जाही । सबो जिला म संचालित हाट बाजार स्थल म घलो मनखे मन ल सासन के जनकल्याणकारी योजना के जानकारी दे जाही ।