जय जोहार…. छत्तीसगढ़ (chhattisgarh) पीएससी मेंस परीक्षा बर तिथि के ऐलान कर दे गे हे। पीएससी-2019 मुख्य परीक्षा के आयोजन अक्टूबर म करे जाही।
लोक सेवा आयोग के तरफ ले मिले जानकारी के अनुसार ए परीक्षा ह 18 अक्टूबर ले 21 अक्टूबर तक होही। हर रोज दू पाली म परीक्षा के आयोजन करे जाही।
ये परीक्षा बिहिनिया 9 बजे ले 12 बजे तक अऊ दोपहर 2 बजे ले शाम पांच बजे तक होही। ए परीक्षा बर पांच जिला म केंद्र बनाय गे हे। (chhattisgarh) पीएससी मुख्य परीक्षा के केंद्र राजधानी रायपुर के आलावा अंबिकापुर, बिलासपुर, दुर्ग-भिलाई अऊ जगदलपुर में आयोजित करे जाही।
बता दन कि 31 दिसंबर 2019 के पीएससी-2019 के अधिसूचना ल जारी करे गे रहिस, (chhattisgarh) ये परीक्षा पहिले 17 जून ले 20 जून तक आयोजित करे जाना रहिस, लेकिन कोरोना महामारी सती परीक्षा ल रद्द कर दे गे रहिस।
No Comment! Be the first one.