chhattisgarh जनसंपर्क अधिकारी संघ ह पुराना पेंशन योजना लागू करे बर मुख्यमंत्री के प्रति जताइन हे आभार
जय जोहार। छत्तीसगढ़ (chhattisgarh ) जनसंपर्क अधिकारी संघ ह छत्तीसगढ़ म शासकीय सेवक बर पुराना पेंशन योजना लागू करे के घोसना बर मुख्यमंत्री भूपेश बघेल के प्रति आभार व्यक्त करे हे। संघ ह ैला प्रदेश के कर्मचारी मन के हित म ऐतिहासिक फइसला बताइन हे।
छत्तीसगढ़ जनसंपर्क अधिकारी संघ के प्रतिनिधि मंडल ह मुख्यमंत्री श्री बघेल ले विधानसभा परिसर स्थित ओखर कार्यालय कक्ष म सौजन्य मुलाकात करके ओखर प्रति आभार प्रकट करीन ।उल्लेखनीय हे कि मुख्यमंत्री भूपेश बघेल ह वित्तीय बछर 2022-23 के बजट म राज्य म पुराना पेंशन योजना लागू करे के घोसना करे हे ।
प्रतिनिधि मंडल म छत्तीसगढ़ जनसंपर्क अधिकारी संघ के संरक्षक जे.एल.दरियो, उमेश मिश्रा, प्रेमलाल पटेल, आनंद सोलंकी, मुन्नालाल चौधरी, मनराखन मरकाम, नितिन शर्मा, जरीफ खान, कमलेश साहू, कमलज्योति जाहिरे, सचिन शर्मा, ओमप्रकाश डहरिया, भवानी सिंह ठाकुर, रविन्द्र चौधरी सामिल रिहीन।
