Chhattisgarh: स्वास्थ्य कार्यकर्ता मन के टीकाकरण के मामला म छत्तीसगढ़ ल देश म मिले हे दूसरइया स्थान, पढ़व
जय जोहार…. (Chhattisgarh) स्वास्थ्य कार्यकर्ता मन के टीकाकरण के मामला म छ्त्तीसगढ़ राज्य ल देश म दूसरइया स्थान म हे। उहचे 45 बच्छर ले उपर उमर के मनखे मन के कोविड 19 वैक्सीन के पहला डोज दे म छत्तीसगढ़ ह देश म चौथइया नंबर म हे। अइसने अग्रिम पंक्ति कार्यकर्ता मन के टीकाकरण के मामला म छत्तीसगढ़ ह देश म छठवां नंबर म हे।
स्वास्थ्य विभाग ले प्राप्त जानकारी के मुताबिक 30 अप्रैल तक (Chhattisgarh) छत्तीसगढ़ म 3 लाख स्वास्थ्य कार्यकर्ता मन ल प्रथम डोज अउ 2.09 लाख स्वास्थ्य कार्यकर्ता मन ल दूसरइया डोज दे गे हे। अइसने 2.76 लाख अंग्रिम पंक्ति कार्यकर्ता मन ल प्रथम डोज अउ 1.65 लाख अग्रिम पंक्ति कार्यकर्ता मन ल दूसरइया डोज दे गे हे। कोविड टीकाकरम के तहत 45 बच्छर ले उपर 42.76 लोगन मन ल पहला डोज अउ 3.43 लाख लोगन मन ल दूसरइया डोज दे गिस हे।
स्वास्थ्य कार्यकर्ता मन के टीकाकरण के मामला म देश म दूसरइया सर्वश्रेष्ठ प्रदर्शन 97.73 फीसद के संग छत्तीसगढ़ राज्य के हे। वर्तमान म (Chhattisgarh) छत्तीसगढ़ म पंजीकृत 4894 सेशन पाइंट म टीकाकरण करे जावत हे। उहचे राज्य म 6823 प्रशिक्षित वैक्सीनेटर उपलब्ध हे। 2 अप्रैल 2021 के सबले जादा 3.26 लाख मनखे मन के टीकाकरण करे गे हे।
