Raipur : एनीमिया मुक्त भारत अभियान म छत्तीसगढ़ ल मिले हे देस म तीसरइया स्थान, पढ़व
जय जोहार। (Raipur) एनीमिया मुक्त भारत अभियान के अंतर्गत लईका, किसोर, गर्भवती अउ शिशुवती महिला मन ल आईएफए (आयरन फोलिक एसिड) सप्लीमेंटेसन उपलब्ध कराय म छत्तीसगढ़ देस म तीसरइया स्थान म हे । पूरा देस म छत्तीसगढ़ ले आगू केवल आध्रंप्रदेश अउ महाराष्ट्र ही हे ।
एनीमिया मुक्त भारत अभियान के तहत छह माह ले 19 बछर तक के लईका, गर्भवती अउ शिशुवती महिला मन ल आईएफए के खुराक दे जात हे। मितानिन डहार ले छोटे लईका मन ल आयरन, फॉलिक एसिड सिरप अउ गर्भवती- शिशुवती महिला मन ल टेबलेट प्रदान करे जात हे । संगेसंग स्कूल म लईका मन ल आईएफए की दवाई दे जात हे ।
भारत सरकार डहार ले हरेक माह एनीमिया मुक्त भारत अभियान के अंतर्गत सबो राज्य अउ केंद्र सासित प्रदेस म आईएफए सप्लीमेंटेसन के स्कोर कॉर्ड जारी करे जात हे । केन्द्रीय स्वास्थ्य अउ परिवार कल्याण मंत्रालय डहार ले हाल ही म विगत जुलाई, अगस्त और सितम्बर माह म पूरा देस म आईएफए सप्लीमेंटेसन के रिपोर्ट जारी करे गेहे । एखर अनुसार छत्तीसगढ़ ए महीना म सरलग देस म तीसरइया स्थान म रिहीन हे।
एनीमिया मुक्त भारत कार्यक्रम के राज्य नोडल अधिकारी डॉ. वी.आर. भगत ह बताइन कि छत्तीसगढ़ एनीमिया दूर करे ल आईएफए सप्लीमेंटेसन म उत्तरप्रदेश, बिहार, गुजरात, मध्यप्रदेश, राजस्थान, पश्चिम बंगाल, कर्नाटक, तमिलनाडू जइसे राज्य ल पीछे छोड़त हुए सरलग तीसरइया स्थान म काबिज़ हे।
