chhattisgarh संस्कृत विद्यामण्डलम् के दसवीं अउ बारहवीं के परीक्षा परिणाम होगे घोसित
जय जोहार…. (chhattisgarh) स्कूल शिक्षा मंत्री डॉ.प्रेमसाय सिंह टेकाम ह अपन निवास कार्यालय म छत्तीसगढ़ संस्कृत विद्यामण्डलम् रईपुर डहार ले आयोजित बछर 2020-21 के उत्तर मध्यमा प्रथम अउ द्वितीय बछर (कक्षा 11वीं और 12वीं) के वार्षिक परीक्षा परिणाम ल घोसित करीन। सत्र 2020-21 के मुख्य परीक्षा ल कोविड-19 ल धियान म रखत हुये छात्र मन ल घर म प्रश्न पत्र अउ उत्तर पुस्तिका प्रदाय कर के परीक्षा ल आयोजित करे गीस, जेमा विद्यार्थी मन के परीक्षा परिणाम ह शत -प्रतिशत रिहीन ।
संस्कृत विद्यामण्डलम् डहार ले आयोजित कक्षा 11वीं उत्तर मध्यमा प्रथम बछर के परीक्षा म 814 विद्यार्थी मन सामिल होय रिहीन, जेमा 499 बालक अउ 315 बालिका हे । (chhattisgarh) अइसने कक्षा 12वीं उत्तर मध्यमा द्वितीय बछर के परीक्षा म 629 मन सामिल होय रिहीन, एमा 367 बालक अउ 262 बालिका हे। सबो विद्यार्थी मन के परीक्षा परिणाम 100 फीसद रिहीन। कक्षा 12वीं के परीक्षा म 479 बालक अउ बालिकाएं पहला श्रेणी, 150 बालक अउ बालिका दुसरइया श्रेणी म उत्तीर्ण होय हे।
ए अवसर म (chhattisgarh) छत्तीसगढ़ संस्कृत विद्यामण्डलम् के सचिव राजेश कुमार सिंह, सहायक संचालक पूर्णिमा पाण्डेय, लक्ष्मण प्रसाद साहू, दुग्धाधारी मठ के प्राचार्य कृष्ण वल्लभ शर्मा समेत संस्कृत विद्यामण्डलम् के अधिकारी घलो उपस्थित रिहीन।
