chhattisgarh टूरिज्म बोर्ड के देश -विदेश के पर्यटक बर एक ठीन अउ सौगात, पर्यटन मंत्री ताम्रध्वज साहू ह मैनपाट, कमलेश्वरपुर म आज करही लोकार्पण

जय जोहार । (chhattisgarh ) भारत सरकार के पर्यटन मंत्रालय ह विभिन्न थीम म आधारित पर्यटन विकास के स्वदेश दर्शन योजना वर्ष 2015-16 म प्रारंभ करे रिहीन थी, जेखर अंतर्गत छत्तीसगढ़ राज्य म इंहा के आदिवासी/जनजातीय अउ ग्रामीण संस्कृति ले पर्यटक मन ल परिचित कराय के उद्देश्य ले बछर 2016 म ‘‘ट्रायबल टूरिज्म सर्किट‘‘ के परियोजना स्वीकृत करे गीन । ए परियोजना म प्रदेश के आदिवासी बाहुल्य क्षेत्र के कुल 13 डेस्टीनेशन्स ल विकसित करे गेहे ।

ए परियोजना के ‘‘ट्रायबल टूरिज्म सर्किट‘‘ के अंतर्गत कमलेश्वरपुर (मैनपाट) म ‘‘ईको एथनिक टूरिस्ट डेस्टीनेशन‘‘ के रूप म ‘‘करमा एथनिक रिसार्ट‘‘ विकसित करे गेहे । ये रिसार्ट सरगुजा क्षेत्र के ग्रामीण परिवेश के थीम म 21 करोड़ 37 लाख रुपिया के लागत ले तइयार करे गेहे । राज्य सरकार डहार ले ए परियोजना बर कमलेश्वरपुर म 46 एकड़ भूमि उपलब्ध कराएगे रहीं ।

23 दिसंबर के मंझनिया 12 बजे छत्तीसगढ़ के पर्यटन मंत्री ताम्रध्वज साहू के मुख्य आतिथ्य अउ मंत्री टीएस सिंहदेव की अध्यक्षता म करमा एथनिक रिसार्ट अउ सोनतराई मोटेल, सीतापुर के लोकार्पण करे जाही ।