आंधी-तूफान के चेतावनी: अवईया दू दिन कई जिला म चलही तेज हवा, गरज चमक संग पड़ही होही बौछार
मौसम विभाग ह प्रदेश के मौसम के चेतावनी जारी करे हे। अवईया के दू दिन विभाग ह प्रदेश म तेज आंधी अऊ बारिश के संभावना जताए हे। मंगलवार संझा ले बस्तर, बीजापुर, दंतेवाड़ा अऊ कोंडागांव म एखर असर देखे बर मिलही। कुछ जगह म आकाशीय बिजली गिरे के भी संभावना हे।
बता देन के पाछू के 24 घंटा म प्रदेश म मौसम म कोनों बड़े बदलाव नई देखे गे हे। राजधानी रायपुर म मंगलवार ले मौसम म बदलाव के संभावना व्यक्त करे गे हे। मौसम वैज्ञानिक एचपी चंद्रा ह कहिन कि रायपुर में गर्मी 1 से 2 डिग्री बढ़ सकत हे। रायपुर शहर में अधिकतम तापमान 41 डिग्री और न्यूनतम तापमान 28 डिग्री रहे के संभावना हे।
मौसम विभाग के मुताबिक अवईया 2 दिन म प्रदेश के कुछ जिला म मौसम ह बदलाव ले के आही। कोरिया, सूरजपुर, बलरामपुर, जसपुर महासमुंद, धमतरी, गरियाबंद कोंडागांव, बस्तर , दंतेवाड़ा सुकमा , बीजापुर, नारायणपुर जईसे जिला म तेज हवा चल सकत हे।
अईसने बुधवार के राजनांदगांव, रायपुर, दुर्ग, महासमुंद, गरियाबंद, धमतरी कांकेर, कोंडागांव, बस्तर में तेज हवा चल सकत हे। 1 जून गुरुवार के दिन महासमुंद, गरियाबंद, धमतरी जिला म तेज हवा अऊ गाज गिरे के संभावना बताए जात हे।
