फेर बदलही छत्तीसगढ़ के मौसम, अवइया 24 घंटा म कई जिला म तेज हवा के संगेसंग बारिश के संभावना

जय जोहार…. पिछले कुछु दिन ले प्रदेश के कई जिला म तेज हवा के संगेसंग बारिश होवत हे। एला देखत हुये मौसम विभाग ह अवइया 24 घंटा बर छत्तीसगढ़ के कई जिला म बारिश के संभावना जताये हे। बता देन कि पिछले दो दिन म राजधानी रायपुर म बारिश होये रहिस।

मौसम विभाग के मुताबिक प्रदेश के कुछु स्थान म तेज हवा के संगेसंग बारिश हो सकत हे। बस्तर संभाग, सरगुजा अऊ रायपुर म अवइया कुछु घंटा म गरज-चमक के संगेसंग बारिश होये के संभावना जताये गे हे। मौसम विभाग के अनुसार द्रोणिका उत्तर पश्चिम मध्य ले दक्षिणी कनार्टक तक उचाई म हे। संगेसंग छत्तीसगढ़ म बंगाल की खाड़ी ले बड़ अकन नमी आवत हे। इही सती प्रदेश के कई जगह म पिछले कुछु दिन ले हल्की बारिश होवत हे। अईसे ही हाल अवइया 24 घंटा के भीतर फेर ले बन सकत हे।