chhattisgarh म 21 जुलाई के बाद फेर लगही लॉकडाउन, कलेक्टर मन ल दे गे हे अधिकार

जय जोहार…. कोरोना के बाढ़ते मामला के बीच (chhattisgarh) सीएम भूपेश बघेल ह लॉकडाउन के ऐलान करे हे। ये लॉकडाउन ह 21 जुलाई के बाद एक सप्ताह बर लागू होही। ए फइसला ल मंत्री अउ वरिष्ठ अधिकारी मन के बइठक म ले गे हे।
जानकारी के मुताबिक ये लॉकडाउन ह पूरा प्रदेश म नई होही, जिहां कोरोना संक्रमण के जादा मरीज मिलत हे, सिरिफ उहचे लॉकडाउन लगाये जाही।
(chhattisgarh) सीएम भूपेश बघेल ह लॉकडाउन लगाय के अधिकार ल कलेक्टर ल दे हे। लॉकडाउन लगाय के पहिले शहर ल एखर जानकारी देना होही।
बता देन कि छत्तीसगढ़ (chhattisgarh) म हर दिन कोरोना के नवा मरीज मन ह बाढ़त जावत हे। प्रदेश म राजधानी समेत कई जिला कोरोना के हॉटस्पॉट बन के उभरे हे। एमा ले सबले जादा मरीज ह रायपुर ले मिलत हे। जेखर बाद ले रायपुर ह कोरोना क नवा हॉटस्पॉट बन चुके हे।