नशा के मामला म उड़ता छत्तीसगढ़ होगे छत्तीसगढ़, पूर्व मंत्री अजय चंद्राकर

जय जोहार रायपुर… भारतीय जनता पार्टी के पूर्व मंत्री अऊ विधायक अजय चंद्राकर ह किहिस कि एक साल म छत्तीसगढ़ ह पंजाब बन गे हे, राज्य म शराब बंदी के वादा करके सरकार बनाय वाला मन अपन वादा ल भुला गे हे.

एक तरफ सरकार शराब बंदी बर कमेटी बनाय के बात कहिथे लेकिन कोई बता सकथे कि ओखर मीटिंग कोन करथे कब करथे, राज्य म शराब के बिक्री बाढ़ गे हे, युवा मन नशा के चपेट म आत जात हे, पूर्व मंत्री ह यहू किहिस कि प्रदेश म पूर्ण शराब बंदी बर आन्दोलन करबो संगे संग राज्य म धान खरीदी के पोल खोलबो.