chhattisgarh राष्ट्रीय पुरस्कार ले फेर होही सम्मानित: ’मोर मयारू गुरूजी’ कार्यक्रम ल 19 दिसम्बर के मिलही स्कोच अवार्ड

जय जोहार। छत्तीसगढ़ (chhattisgarh) ल फेर एक घांव राष्ट्रीय पुरस्कार ले सम्मानित करे जाही । छत्तीसगढ़ ल राज्य बाल अधिकार संरक्षण आयोग डहार ले संचालित मोर मयारू गुरूजी कार्यक्रम बर नई दिल्ली में 19 दिसंबर के आयोजित कार्यक्रम म स्कोच अवार्ड (सिल्वर) ले नवाजे जाही।

(chhattisgarh) महिला अउ बाल विकास मंत्री अनिला भेंड़िया अउ राज्य बाल अधिकार संरक्षण आयोग के अध्यक्ष तेजकुंवर नेताम ये पुरस्कार ल ग्रहण करही । स्कोच संस्था डहार ले नामांकन ले लेके अंतिम चरण तक लगभग 7 स्तर म चरणबद्ध तरीका ले मूल्यांकन करे के बाद ये सम्मान दे गेहे ।

उल्लेखनीय हे कि मोर मयारू गुरूजी कार्यक्रम के माध्यम ले आयोग ह (chhattisgarh) प्रदेस के लगभग 2 हजार सिक्षक मन ल प्रसिक्षित हे । आयोग के ‘मोर मयारू गुरूजी‘ कार्यक्रम के माध्यम ले सिक्षक मन ल बाल अधिकार के रक्षा बर खेल अउ अन्य गतिविधि के माध्यम ले रोचक तरीका ले अध्ययन-अध्यापन के प्रसिक्षण दे जात हे । ए कार्यक्रम ल रोचक तरीका ले डिजाईन करे गेहे । एखर अवधि मात्र 2 ले 3 घंटा ही रखे गेहे।