कमई के मामला म छत्तीसगढ़ी फिलिम ह हिंदी फिलिम ल पछाड़त हे

रायपुर।  छत्तीसगढ़ी फिलिम हस झन पगली फंस जाबे ह कमाई करे के सब रिकॉर्ड ल तोड दे हे। ये फिलिम ह तीन दिन मे ही लाखो रूपया के कमाई कर के सुपरहिट के तमगा अपन नाम कर ले हे। छत्तीसगढ के जाने माने परसिध् डायरेक्टर सतीश जैन ह एक बार फेर ये साबित कर दिस कि अगर फिलिम अच्छा रहिथे त वोला देखइया मन के कमी नई पडय।

गौर करे वाली बात ये हे कि मल्टीप्लेक्स वाले मन ह छत्तीसगढ़ी फिलिम ल हीन भावना ले देखत रिहिन, फेर शुक्रवार के दिन रायपुर के श्याम टाकिज में लगे हंस झन पगली फंस जाबे छत्तीसगढ़ी फिलिम ह कमाई के मामला म हिंदी फिलिम ल जोरदार झटका देवथ हे।

अइसे जानकारी मिले हे कि  छत्तीसगढ़ी फिलिम के टिकट के दाम ह 138 रूपया हे अऊ हिंदी फिलिम के 66 रूपया तेकर बाद भी हस झन पगली फंस जाबे फिलिम ह तीन दिन में 5 लाख 11 हजार रूपया के कमाई कर ले हे।