जय जोहार…. (chhollywood) छत्तीसगढ़ी फिलीम घर परिवार ह 19 नवंबर ले सिनेमाघर म प्रदर्सित होवइया हे। ए फिलीम के निर्माता मोहित कुमार साहू हे, जेन ह एखर पहली मोर जोड़ीदार, मोर जोड़ीदार 2 अउ लव दीवाना म बतौर निर्माता के रूप म काम कर चुके हे।
फिलीम म कलाकार जीत शर्मा अउ छत्तीसगढ़ के सुपरस्टार मुस्कान साहू हे। (chhollywood) फिलीम के निर्देशक गौरांग त्रिवेदी, लेखक अनुपम भार्गव, अउ संगीत सुनील सोनी के हे। ए फिलीम के गीत ल वीरेंद्र सिंह ठाकुर,डॉ. स्मृति दुबे, चम्पेश्वर गोस्वामी अउ चंद्र प्रकाश ह लिखे हे।
निर्देशक गौरांग त्रिवेदी ह बताइन कि ए फिलीम घर परिवार ह पूरा पारिवारिक फिलीम हे, एमा परिवार म होवइया आम घटना ल खूबसूरती ले दिखाय गेहे। ए फिलीम के गाना घलो मनमोहक हें अउ यूट्यूब म धमाल मचावत हे।
बता दें कि कि (chhollywood) छत्तीसगढ़ के सुप्रसिद्ध युवा लेखक अउ गीतकार चम्पेश्वर गोस्वामी ह ए फिलीम बर बड़ सुंदर कर्मा गीत ल लिखे हे, जेन दर्शक मन ल पसंद आवत हे, फिलीम के गीत ल सुप्रसिद्ध गायक सुनील सोनी,गायिका चंपा निषाद अउ मुनमुन चक्रवर्ती ह अपन जादुई आवाज़ ले सजाये हे।
