Chhollywood: छत्तीसगढ़ी फिलिम कहर ह 12 फरवरी के होवइया हे रिलीज, पढ़व पूरा खबर
जय जोहार…. (Chhollywood) छत्तीसगढ़ी फिलिम कहर ह अवइया 12 फरवरी के प्रदेश के सिनेमाघर म रिलीज होवइया हे। ए फिलिम के कहानी ल अनिरुद्ध दुबे ह लिखे हे अऊ फिलिम निर्माता सुमित सोनकर हे।
(Chhollywood) फिलिम म मुख्य भूमिका म साक्षी यादव, विनोद कलानी, आजम खान, संजय तैलंग, चंदन सोनी, अहाना फ्रांसिस, माही अहीर, मनोज दीप, मुकेश तिवारी, शेखर चौहान, शशांक नायडू, पुष्पांजलि शर्मा, डॉ अजय सहाय ह नजर आही।
ए फिलिम के डायरेक्टर एजाज वारसी अऊ निर्माता सुमित सोनकर ह बताइस कि गीत दास मनोहर, प्रभाकर बर्मन, सुनील मानिकपुरी अऊ अजय राज ह लिखे हे। संगीत शिवा जांगड़े ह दे हे। उहचे एक्शन अऊ कोरियोग्राफी मनोज दीप के है।
(Chhollywood) फिलिम के निर्देशक एजाज वारसी ह बताइस कि फिलिम ह कुछु प्रयोग के संग बने हे। नवापन, मनोरंजन ने भरे फिलिम आप मन ल देखे ल मिलही। ए फिलिम के गाना ए पानी तेरे पहिले ही वायरल हो चुके हे। जेन लोगन मन ल बड़ अकन पसंद आवत हे। ए फिलिम के निर्माण ल हरिओम फिलिम के बेनर तले करे गे हे।
